Një 19-vjeçar në qytetin e Ferizajt, në Kosovë, është arrestuar pasi pas një konflikti që ka pasur me vëllain e tij, e ka goditur me thikë. Në njoftimin e policisë bëhet e ditur se 19-vjeçari i ka shkaktuar dëmtime të rënda trupore vëllait të tij, i cili për fat të mirë është jashtë rrezikut për jetën. Ngjarja ka ndodhur në rrugën “Epopeja e Jezercit”, në Ferizaj.
Në lidhje me këtë, Policia e Ferizajt ka vepruar duke arrestuar personin e dyshuar me inicialet L.I i moshës 19 vjeç, i cili për shkak të një mosmarrëveshjeje me vëllain e tij, janë zënë duke përdor dhe thikën. I dyshuari është shoqëruar në stacionin policor në Ferizaj dhe pas deklarimit të tij në polici në lidhje me rastin, me vendim të Prokurorit, autori është dërguar në paraburgim për 48 orë, për procedura të mëtejme hetimore.
