Një 49 vjeçar ka rënë në prangat e policisë së Durrësit i cili në emër të të dëmtuarve nga tërmeti, i ka zhvatur një tregtari në Durrës, 13 mijë lekë.
Bëhet fjalë për shtetasin Arben Musliaj.
Policia e Durrësit tha se arrestimi i tij u bë pasi ky shtetas duke shfrytëzuar situatën e ndodhur pas termetit, në lagjen nr 14, në ambientet e brendshme të tregut të fruta-perimeve në Shkozet, Durrës, i ka marrë me anë të mashtrimit shumën prej 13.000 lekë (të rinj) shtetasit N. F. , banues në Durrës, me arsyen se i duheshin për të blerë ndihma ushqimore për këtë situatë.
Shuma e parave u sekuestrua në cilesinë e provës materiale dhe materialet i kaluan Prokurorisë pranë Gjykatës së Shkallës së Parë Durrës për veprime të mëtejshme.
