Policia e Tiranës ka arrestuar një inspektor të Drejtorisë së Hetimit Tatimor në Drejtorinë e Përgjithshme e Tatimeve.
Bëhet me dije se në pranga ka rënë 37-vjeçari me iniciale E.T, i cili nga hetimet e kryera ka rezultuar se ky shtetas iu kërkonte dhe iu merrte shuma të konsiderueshme monetare subjekteve të ndryshme private, si këmbim për të mos i hetuar dhe mos i referuar në prokurori, kur këto subjekte konstatoheshin në shkelje.
Në cilësinë e provës materiale u sekuestrua shuma monetare prej 5000 eurosh, të cilën ky shtetas ia kishte marrë administratorit të një subjekti privat.
