Androkli Kokthi akuzohet për shpërdorim detyre, urdhër-arresti nga prokuroria Tiranë
Arrestohet për shpërdorim detyre drejtori i tatimeve të Tiranës, Androkli Kokthi. Policia njoftoi për arrestimin e kreut të Tatimeve Tiranës. Arrestimi i Androkli Kokthit është kryer nga seksioni antokorrupsion i drejtorisë së policisë Tiranë. Urdhri për arrestimin e tij është dhënë nga prokurroia e Tiranës.
Sipas të dhënave të deritanishme rezulton se drejtori i arrestuar ka lëshuar urdhër të paligjshëm për rikthim malli të konfiskuar ndaj një biznesi. Kokthi është akuzuar për të njëjtën shkelje edhe nga vartës të tij në Drejtorinë rajonale të Tatimeve.
Androkli Kokthi e mbante detyrën e drejtorit të drejtorisë rajonale të Tatimeve Tiranë, prej vitit 2014.
