Arrestohet djali i aktorit Nicolas Cage, pasi drejtonte automjetin në gjendje të dehur.
Policia kishte parë mjetin e djalit të aktorit, që kishte kaluar limitin e shpejtësisë së lejuar dhe ishte vënë në ndjekje të tij. Arratisja e guximshme e 26-vjecarit me makinën e tij Chevrolet Camaro, përfundoi me përplasjen e tij me një pemë.
Më pas i riu u shoqëruar në komisariatin e policisë por u lirua pas disa orësh, duke paguar dhe gjobën 30 mijë dollarë. Kjo nuk është hera e parë që Weston Cage përfundon në polici.
Në vitin 2011 ai u arrestua për dhunën që ushtronte ndaj bashkëshortes së tij, me të cilën u nda pak kohë më vonë.
