Gjat një operacioni të koduar “Urgjenca”,u arrestua në flagrancë nga policia një 41 vjeçar.
Dritan Kuka është personi që përfundoi në pranga. Ai është banues në Burrel, në emër të të cilit janë dokumentuar disa vjedhje.
Arrestimi i tij u bë teksa tentonte të vidhte një shtetas tek Konsultat e Qendrës Spitalore “Nënë Tereza”.
Ndaj këtij shtetasi janë dokumentuar të paktën edhe 6 vjedhje të tjera të ndodhura dy muajt e fundit.
Vjedhjet e kryera:
- Më datë 12.05.2016, ka vjedhur një shumë monetare shtetasit P. I., tek ambientet e Qendrës Spitalore “Nënë Tereza”.
- Më datë 13.05.2016, ka vjedhur portofolin e shtetases T. D., në autobuzin e “Unazës”, ku në brendësi të portofolit kishte një shumë monetare dhe një varëse floriri.
- Më datë 18.05.2016, ka vjedhur aparatin telefonik të shtetasit Xh. Xh., tek ambientet e Qendrës Spitalore “Nënë Tereza”.
- Më datë 01.06.2016, ka vjedhur portofolin e shtetases N. L., tek ambientet e Qendrës Spitalore “Nënë Tereza”, ku në brendësi të portofolit kishte një shumë monetare.
- Më datë 15.06.2016, ka vjedhur portofolin e shtetases S. E., tek ambientet e Qendrës Spitalore “Nënë Tereza”, ku në brendësi të portofolit kishte një shumë monetare.
- Më datë 16.06.2016, ka vjedhur portofolin e shtetases I. D., tek ambientet e Qendrës Spitalore “Nënë Tereza”, ku në brendësi të portofolit kishte një shumë monetare
Materialet proceduriale i’u kaluan Prokurorisë pranë Gjykatës së Shkallës së Parë Tiranë.
