Policia ka arrestuar dy kosovarë në pikën kufitare të Qafë Morinës në Tropojë pasi akuzohen për kalim të mallrave kontrabandë.
Të arrestuarit janë Rexhep Avdija, 45 vjeç, banues në Mukushnice në Kosovë dhe Milaim Makolli, 43 vjeç nga Skënderaj, të cilët po tentonin të kalonin fruta dhe perime pa pasur asnjë dokument.
Gjatë kontrollit të ushtruar u gjetën të ngarkuar dhe u sekuestruan 1.7 ton fruta-perime për të cilat nuk dispononin asnjë lloj dokumenti.
Materialet për veprime të mëtejshme i kaluan Prokurorisë se Rrethit Gjyqesor Tropojë, për veprat penale” Kalimi i paligjshëm i kufirit shtetëror” dhe “Kontrabanda me mallra të tjera”, parashikuar nga nenet 297 dhe 174 të K.Penal.
