Dy punonjës të policisë me detyrë trup shërbimi ne pikën e kalimit kufitar Qafë Morinë, pranë Drejtorisë Rajonale të Kufirit Kukës janë vënë në pranga për shpërdorim detyre. Dy efektivët akuzohen se kanë ndihmuar të arratiset një person të ndaluar nga Kosova. Ata janë Musa Bisheva (53 vjeç) dhe Gëzim Shabanaj (48 vjeç).
“Të dy këta punonjës policie, duke qenë në detyrë në datë 13 korrik, ishin duke shoqëruar një shtetas të ndaluar nga Kosova në ambientet e Pikës së Kalimit Kufitar. Shtetasi Xhevat Thaqi ishte ndaluar nga policia pasi ishte shpallur në kërkim ndërkombëtar, por ai mundi të largohet në drejtim të paditur ” -thuhet në njoftimin e policisë.
