“Armët nuk i vrasin njerëzit, njerëzit i vrasin njerëzit”. Ky ka qenë një ndër statuset e Ariela Muratit, 21-vjeçares që u vra dje nga Aldison Belulaj, vetëm se vajza refuzoi të lidhej me të.
Murati kishte postuar një foto në “Facebook” ku shihej duke bërë qitje në një poligon në kryeqytet, ndërsa përbri këtij postimi ajo kishte shkruar: “Armët nuk i vrasin njerëzit, njerëzit i vrasin njerëzit”.
Mes komenteve të shumta, e reja shkruan se nuk trembet as nga armët dhe as nga njerëzit.
Ngjarja tronditëse ndodhi dje para fakultetit të Mjeksisë në Tiranë, ku i riu i doli përpara në rrugë vajzës dhe e qëlloi atë me armë për vdekje. I riu qëlloi edhe veten dhe ndodhet në spital në gjendje të rëndë për jetën.
