Kishte mbjellë 142 fidanë canabis rreth shtëpisë
Policia e Tropojës ka njoftuar se arrestoi shtetasin Sadri Gjidiaj, 55 vjeç nga fshati Leniq, pasi iu kapën armë dhe drogë. Gjithçka ka qenë pjesë e një operacioni të quajtur “Leniq 2016”, të zhvilluar pas informacioneve të marra në rrugë operative. Shtetasi Sadri Gjidiaj, 55 vjeç nga fshati Leniq, i cili është kapur në kushte flagrance në zotërim të një arme zjarri automatike, 87 copë fishekë model 56, 330 gramë boçe të thara kanabisi, si dhe 142 fidanë lëndë narkotike të mbjella në ambjentet përreth shtëpisë së tij. Ndërkohë, autoritetet lokale kanë nisur procedimin penal në gjendje të lirë për bashkëshorten e 55-vjeçarit, shtetasen F. Gjidija, 49 vjeç.
