Gazetari i njohur Armand Shkullaku është shprehur se Kuvendi i Partisë Demokratike, nuk arriti objektivin kryesor, bashkimin e partisë. Në një intervistë për mediat, Shkullaku tha se Kuvendi certifikoi shumicën, por kjo nuk mjafton për të mundur kundërshtarin, sepse partia nuk është bashkuar. Sipas analistit, këtë e tregon mungesa e deputetëve në Kuvend.
“Ajo që unë do të doja të shihja do të ishte një PD më e bashkuar. Ky ishte qëllimi i të gjithë aksionit politik që Grupi i Rithemelimit mori. Kjo ishte ideja, u tha në Foltore, do të ketë parti ku ka vend për të gjithë edhe për Lulzim Bashën. Një parti më e fortë dhe më e hapur. Kjo qe mungesa e madhe, ose humbja më e madhe e këtij Kuvendi të Partisë Demokratike. Pra mungesa e pjesës më të madhe të deputetëve, që përkthehet në mosarritje të objektivit kryesor, që ishte bashkimi. Pra Kuvendi çertifikoi dicka që ishte e pritshme, shumicën. Por, në raport me një PD më të madhe dhe më të bashkuar që mund të mposhtë kundërshtarin që ka përballë, ky Kuvend nuk e arriti dot” – tha Shkullaku.
