Arjola Demiri jo pak herë gjatë rrugëtimit të saj në shtëpinë e “Big Brother Vip”, është menduar se mund të shkonte në finalen e madhe. Pavarësisht se këto pritshmëri u shuan, pasi në finale shkuan Donaldi, Iliri, Beniada dhe Einxhel, ku balerini fitoj çmimin e madh.
Por Arjola ka marrë një dhuratë akoma dhe më të madhe nga produksioni, një shtëpi në zonën e Kodrës së Diellit. Mirëpo fjalët nuk kanë të ndalur pasi një pjesë e konsiderueshme janë shprehur se ajo e ka arritur këtë gjë nëpërmjet viktimizimit.
Arjola dhe Irgen Çela janë rikthyer edhe në këtë sezon të ri të “Portokallisë” me “Çiftin e Lumtur”. Gjatë rolit, ajo iu ktheu një përgjigje me ironi të gjithë atyre që kanë komentuar këtë fakt.
Arjola zgjodhi këtë numër të “Portokallisë”, duke e mbyllur me frazën: “Do shkoj të futem tek ‘Big Brother-i’ i Tajlandës. O marr një shtëpi në Tajlandë duke u viktimizuar o plas”.
