“Grekët i masakruan çamët, i vranë e i përzunë ndërsa vallën çame e mbajtën”
Një argument i pakundërshtueshëm me zë e figurë vjen nga një prift grek kundër deklaratës së paprecedent të njeriut që njihet për qëndrimet e tij antishaqiptare, Panajot Barka. Jo vetëm që s’mund të diskutohet për vjedhje të Iso Polifonisë shqiptare nga grekët por e kundërta duket e vërtetë, grekët kanë vjedhur motive shqiptare të Çamërisë.
“Unë e kam parë çfarë u kanë bërë grekët çamëve.. I kam parë të gjitha therjet që bënë grekët ndaj çamëve… I bënë të gjitha të këqijat ndaj çamëve…janë të gjitha dokumentetet… Vallen çame e mbajtën ndërsa çamët i përzunë”, thotë prifti grek përmes një mesazhi me video.
27.al ka publikuar deklaratën e Barkës e bërë më shtatë gusht ku akuzoi shqiptarët se janë hajdutë të polifonisë greke. Barka kërkoi që Greqia të hedhë në gjyq në Gjykatat Ndërkombëtare për këtë vjedhje Shqipërinë, si dhe heqjen nga UNESCO të Iso Polifonisë Popullore Shqiptare.
Në një linjë krejt të kundërt me barkën, prifti thotë se grekët kanë vjedhur motive shqiptarë të Çamërisë. Gjuha e përdorur nga profesori i Universitetit të Gjirokastrës Panajot Barka ishte nxitje e urrejtjes mes dy popujve.
Deklaratë e marrë e Panajot Barkës është përballë vendimit të UNESKO-s më 25 Nëntor 2005, ku u shpall Iso Polifonia Popullore Shqiptare si kryevepër e trashëgimisë gojore të njerëzimit, e cila mbrohet nga kjo organizatë e Kombeve të Bashkuara. Është fakt tashmë i njohur se nga 21-24 nëntor 2005 drejtoria e përgjithshme e UNESCO-s në Paris, pasi shqyrtoi mbi 60 kandidatura të propozuara në këtë listë, shpalli më 25 nëntor Iso Polifoninë Shqiptare si një kryevepër e trashëgimisë gojore. Kjo është e vërteta e Iso Polifonisë Popullore Shqiptare. Ndërkohë që nuk është hedhur kurrë një pretendim i tillë nga pala greke, Panajot Barka guxon e rrëmon ndër rrënojat e hidhura të nacionalizmit të egër antishqiptarë.
Por faktet historike janë sigurisht kundër tij. 
Madje vetë grekët nuk guxojnë ta mbështesin këtë gjë. Deklarata e priftit grek për marrëdhëniet mes dy vendeve në aspekte të ndryshme flet për të kundërtën. Ai thotë se grekët kanë grabitur vallen çame, pasi e masakruan dhunshëm popullsinë e Çamërisë, vranë e prenë burra, gra, pleq e fëmijë, të tjerët i përzunë nga trojet e tyre.
Më poshte publikohet sërish deklarata e priftit grek ku flet për masakrën ndaj çamërisë por edhe për faktin e grabitjes së valles çame nga grekët.
“Unë e kam parë çfarë u kanë bërë grekët çamëve.. I kam parë të gjitha therjet që bënë grekët ndaj çamëve… I bënë të gjitha të këqijat ndaj çamëve…janë të gjitha dokumentetet… . Vallen çame e mbajtën, thotë prifti ndërsa çamët i përzunë….”
Prifti grek shfaqet me rrëfimin e tij në një video e transmetuar në një media greke e publikuar e përkthyer nga 27.al . Më poshtë publikohet video e priftit grek ku flet per grabitjen e valles çcame nga grekët.
https://www.facebook.com/ShqiperiaeBashkuar1999/videos/1294800367211680/
