Policia njofton se disa rrugë në Tiranë do të bllokohen gjatë pasdites së sotme përreth një orë, teksa në Shqipëri vjen skuadra kombëtare e futbollit e Izraelit.
Rrugët do të bllokohen përreth një orë, duke nisur nga ora 17:30 minuta deri në 18:30 minuta.
Masat merren për të garantuar sigurinë e skuadrës izraelite, që zbret këtë të enjte në Tiranë për ndeshjen me Shqipërinë, që luhet të shtunën në Elbasan Arena.
Akset që do të bllokohen janë:
Duke filluar nga Aeroporti Ndërkombëtar “Nënë Tereza”, Rruga Internacionale kryesore Rinas – “Qafë Kashari”, Autostrada Durrës-Tiranë, duke vijuar tek mbikalimi i Kamzës, Rruga 29 Nëntori, Sheshi “Shqiponja”, Rruga “Dritan Hoxha”, Sheshi “Karl Topia”, rruga e “Durrësit”, Rruga “Ded Gjo Luli”, Rruga “Ibrahim Rugova”, Rruga “Çameria”, Sheshi “Skënderbej”, Rruga “Abdi Toptani” dhe Rruga “28 Nëntori”.
Po ashtu, nuk do të lejohet parkimi i automjeteve dhe do ketë bllokim në Rrugën “28 Nëntori” dhe Rrugën “Amdi Toptani”.
Kërkojmë mirëkuptimin e drejtuesve të mjeteve dhe përdoruesve të tjerë të rrugëve.
