Arabia Saudite shtangu mbarë opinionin sportive botëror teksa mposhti më përmbysje 1-2 Argjentinën në duelin e parë të Kupës së Botës.
Një festë legjitime ka shpërthyer në mbarë Arabinë Saudite, teksa nuk kanë munguar as shakatë që po bëjnë xhiron e rrjetit.
Në skuadrën e Al Shababit kanë vendosur ta festojnë ndryshe fitoren madhështore të kombëtares së tyre.
Lojtarët e këtij ekipi kanë hyrë në dhomën e hotelit të mesfushorit argjentinas Ever Banegës, për t’u tallur me humbjen e kombëtares së këtij të fundit.
Sapo është hapur dera, futbollistët kanë nisur të kërcejnë e të këndojnë rreth ish-lojtarit të Valencias, që duhet të durojë kështu ngacmimet për turpërimin e bardhekaltërve.
Vlen të theksohet fakti se mesfushori 34-vjeçar është pjesë e Al Shabab që nga viti 2020 ku është aktivizuar 54 ndeshje si dhe ka shënuar 13 gola.
Në të shkuarën Banega ka qenë pjesë e kombëtares argjentinase, ku numëron 65 paraqitje dhe 6 gola të shënuar.
بعد انتصار صقورنا ???
الليوث يفاجئون القائد بانيغا ???#المنتخب_السعودي pic.twitter.com/jlSFxaXpzo— نادي الشباب السعودي (@AlShababSaudiFC) November 22, 2022
