“Më 25 qershor do t’i dyfishojmë mandatet. PDIU është një parti kombëtare që ka vend për çdo shqiptar… ia japim timonin Ramës kur t’i japë zgjidhje Elbasanit e gjithë Shqipërisë… tani jo!”
Kreu i listës së PDIU-së për Elbasanin, Aqif Rakipi, foli sot në tubimin kësaj partie në Peqin, ku ritheksoi se ky qark do të dyfishojë mandatet më 25 qershor. Ai foli për mbështetjen e madhe që ka PDIU në Qarkun e Elbasanit duke falenderuar gjithë qytetarët për mbështetjen e duke premtuar shumë projekte zhvillimi për qarkun e Elbasanit. Rakipi u ndal edhe tek “timoni” i kryeministrit Rama, për të cilin tha se mund ta ketë timonin, kur të japë zgjidhje për Elbasanin, por jo në këtë situatë, kur njerëzit jo vetëm në Elbasan por në gjithë Shqipërinë janë të papunë, të pashpresë e shtyjnë kohën e tyre kafeneve.
Sa për Lulzim Bashën, Rakipi tha që nuk ka asnjë lidhje me PD-në, duke e krahasur me ish-kryetarin e kësaj partie: “Kur vinte Berisha në Peqin, “vriteshin” njerëz për ta takuar, ndërsa Basha nuk i mbledh dot as pesë vetë.”
Më tej Aqif Rakipi tha:
“Do ta filloj me vitin 2013, kur unë nisa garën, e ku qysh në nisje Elbasani më priti shumë mirë. Qyteti im më mbështeti shumë fort dhe ne ia dolëm të marim jo pak, por 12 mijë vota. Bashkë me Sajmirin ia dolëm dhe fituam një garë të lehtë, sepse ishit ju mbështetja jonë. Ne nuk jemi të fortë, jeni ju të fortë dhe unë krenohem me ju.
Për Peqinin ju e keni parë ndryshimin. Rruga jonë sa ka filluar kemi dhe akoma kemi shumë për të bërë, kemi dhe bashkinë. Kur të kemi bashki plus pushtet nuk do të ketë më halle qyteti im.
Ne ia japim timponin Edi Ramës, kur të ketë zgjidhje për qytetin tonë e për gjithë Shqipërinë.
Njerëzit rrinë gjithë ditën nëpër ,kafene sepse janë pa punë, janë pa shpresë. Shpresën do ta kenë tek ne në radhë të parë dhe nëse do të dalim fitues, ne do t’i japim një shembull politikës. Ne mburremi me ju nëpër fushata, por ne do të jemi pas fushatës me ju. Ne nuk jemi kandidatë listash.
Më 25 qershor do t’i dyfishojmë mandatet. PDIU është një parti kombëtare që ka vend për çdo shqiptar ne duhet të marrim një shembull tek Dibra që ka vajzën këtu. Në këtë garë Lulzim Basha që s’ka asnjë lidhje me PD, se PD e kemi bërë vetë. Ka qenë një burrë Sali Berisha, kur vinte ai në Peqin “vriteshin” njerëz për ta takuar, ndërsa kur vjen Basha as pesë veta nuk i mbledhin dot.
Bujar Muça është një nga biznesmenët më të fuqishëm dhe bashkë me Bujarin ne do të bëjmë mrekullira.
Numri ynë është 13!
Votoni për atë që bën për ju, jo për mikun dhe shokun!”
