Rrjeti social Facebook ka krijuar aplikacionin të ri për pajisjet iOS, i cili ndihmon të verbrit “të shohin” fotot. Aplikacioni përdor teknologjinë e njohjes së objekteve për të identifikuar çfarë ka në foto.
Kompania ka më shumë se 9 muaj që merret me krijimin e kësaj veçorie dhe e ka provuar tek disa përdorues.
Me ndihmën e inteligjencës artificiale, aplikacioni gjeneron automatikisht një përshkrim të secilës foto, duke treguar se cfarë dhe sa gjëra ndodhen në foto .
Ky aplikacion fillimisht është vënë në dispozicion në gjuhën angleze për përdoruesit e pajisjeve iOS në SHBA, Britani, Kanada, Australi dhe Zelandë të Re. Por drejtuesit e Facebook njoftojnë se ky aplikacion do të jetë së shpejti edhe në gjuhë, shtete dhe platforma të tjera.
