Kur kanë mbetur vetëm 24 orë nga mbledhja e seancës parlamentare ku pika kryesore do të jetë reforma në drejtësi diplomatë të lartë nga SHBA dhe BE pritet të intensifikojnë thirrjet për ta votuar atë.
Burimet nga Ora News bëjnë të ditur se gjatë ditës së sotme do të ketë reagime të tjera dhe apele nga diplomatë të Washingtonit por dhe të Brukselit që kërkojnë votimin e saj.
Apeli i Nuland
Reagimi i parë ka ardhur nga Ndihmës Sekretarja Amerikane e Shtetit, Viktoria Nuland e cila u bën thirrje edhe një herë deputetëve të votojnë propozimin hibrid për reformën.
Diplomatja amerikan i kërkon palëve politike në Shqipëri të gjejnë sa më shpejt zgjidhjen dhe të votojnë në 21 korrik propozimin e mbështetur prej saj për reformën në
drejtësi.
“Shtetet e Bashkuara dhe unë personalisht kemi qenë për një kohë të gjatë mbështetës të demokracisë shqiptare. Shqipërisë i duhet kjo reformë. U bëj thirrje patriotëve shqiptarë të mbështesin propozimin hibrid që unë përkraha gjatë vizitës sime. Shtetet e Bashkuara vazhdojnë të shpresojnë se udhëheqësit politikë do t’i zgjidhin dallimet që kanë dhe të bashkohen përreth propozimit hibrid. Nëse nuk munden, përgjegjësia do të jetë e deputetëve individualisht që të votojnë në favor të reformave që po kërkojnë 91 përqind e shqiptarëve“
