Vetëm një nga 10 rekomandimet e Njësisë antikorrupsion në Këshillin e Evropës është plotësuar nga Shqipëria. Njësia e anti-korrupsionit në Këshillin e Europës Greco ka publikuar raportin e radhës për parandalimin e korrupsionit në radhët e deputetëve dhe gjyqtarëve. GRECO evidenton disa hapa pozitivë lidhur me legjislacionin sa I përket pjesës së deputetëve por kërkon miratimin sa më shpjet të Kodit të Sjelljes për ligjvënësit dhe përmirësimin e kontakteve të tyre me palët e treta që kërkojnë të kenë ndikim në procesin legjislativ.
Raporti nënvizon se verifikimi i konfliktit të interesit për deputetë duhet të shndërrohet në një praktikë të rregullt ashtu si edhe verifikimi i deklaratave të pasurive të tyre.
Sa u përket gjyqtarëve dhe prokurorëve, raporti vëren se Shqipëria ka ndërrmarë një reformë në sistemin kushtetues dhe të drejtësisë që nëse miratohet do të përmirësojë sistemin.
Sipas GRECO-s reforma do të sjellë efekte pozitive edhe në vlerësimin periodik të performancës së gjyqtarëve dhe prokurorëve
GRECO nënvizon se Shqipëria duhet të përmbushë të gjitha rekomandimet brenda 18 muajve të ardhshëm.
