Vendeve e tjera ballkanike konsiderojnë më prioritar shëndetin
Në Shqipëri paratë janë mbi gjithcka. Të paktën kështu ka qenë përfundimi i një anketimi global që ka bërë OECD. Në vendin tonë parësore janë të ardhurat, në një kohë që në të gjithë vendet e tjera të Ballkanit si më i rëndësishëm është përcaktuar shëndeti. Në një sondazh të bërë publik nga OECD, në të cilin janë pyetur njerëzit se çfarë vlen më tepër në jetën e tyre, ku për shqiptarët ka rezultuar se të ardhurat janë parësore. Në situatën e analizës me të anketuar në mbi 180 shtete, rezultojnë 11 tema të konsideruara më thelbësore, në fushën e kushteve të jetesës dhe cilësisë së saj.
Temat janë: siguria, shtëpia, puna, të ardhurat, balanca jetë-punë, kënaqësia nga jeta, shëndeti, edukimi, qeverisja, komuniteti dhe mjedisi.
Nga harta interaktive e krijuar nga movehub.com, vihet re se në Europë: Britaninë e Madhe, Suedi, Gjermani, Finlandë dhe Poland zgjedhin kënaqësitë nga jeta si prioritet, ndërsa në shtete si Rusi, Norvegji, Islandë, Francë dhe Austri vlerësojnë shëndetin.
Qipro ishte i vetmi shtet në Europë që njerëzit zgjedhin balancën jetë-punë, si prioritetin e tyre më të lartë dhe vetëm Ukrahina dhe Shqipëria vlerësojnë të ardhurat. Pjesa tjetër e vendeve ballkanike konsiderojnë prioritet shëndetin. Ndërsa në SHBA, prioritet konsiderohet kënaqësia nga jeta, shëndeti dhe mjedisi.
