Efektivët grekë të anijes fyejnë dhe kërcënojnë peshkatarët shqiptarë, pala shqiptare nis hetimet
Një incident detar ka ndodhur në ujërat territoriale shqiptare paraditen e sotme. Anija e rojës bregdetare greke ka hyrë në ujërat tona duke ndaluar anijen e peshkimit “Mario 1” të kompanisë “Fama” në Sarandë. Sipas të dhënave që vijnë nga policia kufitare, anija shqiptare ndodhej 1.3 milje larg ujërave greke dhe 1.6 milje larg Gjirit te Manastirit e 2.1 milje nga marina e Sarandës.
Efektivët grekë të anijes mësohet se kanë fyer e kërcënuar peshkatarët shqiptarë duke pretenduar se kishin shkelur ujërat greke. Duke hasur kundërshtimin e peshkatarëve e sapo morën vesh nisjen drejt vendngjarjes të rojës bregdetare shqiptare, anija greke u largua.
Peshkarexha shqiptare “Mario 1” është kthyer në bazë. Kapiteni denoncon se ky është rast i përsëritur. Pala shqiptare ka nisur hetimet në lidhje me këtë ngjarje.
