Me përfundimin e lëndevë me zgjedhje, maturanët mbyllën proçesin e maturës shtetërore. Zv/Ministrja e Arsimit ka monitoruar shkollat në qarkun e Tiranës për mbarëvajtjen e proçesit të maturës. Gjuha e huaj është lënda më e përzgjedhur dhe sipas zv/Ministres provimi do të korrigjohet nga ekspertë të huaj.
Maturantët me provimin e lëndëve me zgjedhje kanë përfunduar sfidat e maturës shtetërore.
Ky është testi i fundit i përfundimit të një cikli arsimor dhe ka rëndësi në mesataren për shpalljen e fituesve në Universitete.
Zv/Ministrja e Arsimit, Nora Malaj, ka inspektuar disa shkolla në nivel qarku për të parë mbarëvajtjen e këtij proçesi.
Nora Malaj: Kemi pas një seriozitet maksimal, ndoshta një çikë më të madh me gjithë administratorët, një përgjegjshmëri më të madhe. Jo pa qëllim erdha tek shkolla “Ismail Qemali” sepse dhe Tirana ka numrin më të madh të maturantëve që kanë përzgjedhur gjuhën angleze.
Në gjimnazin “Ismail Qemali” testimi ka nisur më me vonesë se orari zyrtar.
Nora Malaj: Është provimi më i gjatë që zgjat 2 orë dhe ka dhe një specifikë tjetër, gjuha angleze bëhet më e monitoruar për arsyen e provimin TOEFL Junior.Do fillojë më vonë se provimet e tjera, do të ketë një kohëzgjatje më të madhe.
Maturanët kanë zgjedhur lëndët sipas profileve dhe preferencave të tyre për të ndjekur Universitetin.
Preferencat më të larta kanë qenë për gjuhën angleze.
Nora Malaj: Ne do të vendosemi në ato vendet në rajon që për herë të parë guxojnë të fusin një standart ndërmkombëtar.
Sipas zv/Ministres Malaj, testet e gjuhës së huaj do të korrigjohen për herë të parë në Qendrën ETC në Amerikë.
Maturanët kanë zgjedhur lëndët sipas profileve dhe preferencave të tyre për të ndjekur Universitetin. Preferencat më të larta kanë qenë për gjuhën angleze.
Sipas zv/Ministres Malaj, testet e gjuhës së huaj do të korrigjohen për herë të parë në Qendrën ETC në Amerikë.
