Futbollisti i Kombëtares shqiptare, Andi Lila, ka zbuluar një skandal sa i përket sjelljes së shtetit me futbollin dhe veçanërisht ndaj Kombëtares së Shqipërisë.
Pasi u kualifikuan në Europianin e vitit 2016, Kryeministri Edi Rama iu dhuroi pasaporta diplomatike të gjithë lojtarëve. Por ministri i ri, Gent Cakaj dhe me këtë krizë që po kalon momentalisht kombtarja, lojtarëve kuqezinj u është hequr edhe dekorimi me pasaporta diplomatike.
“Dua të them një skandal që ka ndodhur. Dekorimin që na bëri kryeministri Rama, na e hoqi ky ministri i ri i jashtëm që ka ardhur, Gent Cakaj. Është vërtet e pakuptueshme. Pas gjithë asaj që bëmë në ato kualifikuese dhe asaj që kemi bërë në Beograd me Serbinë u pritëm si heronjë dhe tani na dërgojnë në “humnerë”. Kjo është 100% e vërtetë”, tha Andi Lila.
