Drejtuesit e bordit të Bajernit të Mynihut do të diskutojnë nëse trajneri Carlo Anceloti, do vazhdojë të drejtojë skuadrën e bavarezëve edhe për këtë sezon apo do të merren vendime të tjera.
Shtypi gjerman dhe gazetarët i kanë drejtuar pyetje, ku meraku më i madh i tyre ka qenë padiskutim nëse Anceloti do vijojë më tej me drejtimin e skuadrës gjermane apo do të marrë vendim për t’u larguar.
Por gazetarët nuk kanë marrë përgjigje, Anceloti nuk u është përgjigjur dhe është larguar kokë ulur pa biseduar me askënd.
Vendimi zyrtar pritet të merret sot pasdite dhe lajmi do të konfirmohet edhe nga trajneri i Bajernit të Mynihut, Carlo Anceloti, por shenjat e para të dyshimit për heshtjen e tij mund të jetë humbja e thellë 3:0 me Psg, ndeshje kjo e luajtur për Uefa Champions League në mbrëmjen e djeshme.
