Taulant Balla deklaroi se mazhoranca është e vendosur për realizimin e amnistisë fiskale.
Gjatë fjalës së tij në seancën parlamentare, Balla iu drejtua deputetëve të PD-së dhe tha se socialistët do t’i gjejnë votat e mjaftueshme për ta kaluar projektligjin.
“Amnistinë fiskale do ta bëjmë. Nuk varemi nga ju sepse nuk kemi nevojë për ndryshim kushtetues. Duam 3/5 e votave dhe besoj se brenda Kuvendit do të jenë votat për ta mbështetur”, tha Balla.
Ndërsa, lidhur me legalizimin e kanabisit mjekësor, Balla u shpreh se kjo do të shërbejë për zhvillimin e ekonomisë, teksa dha shembullin e Maqedonisë së Veriut.
Sipas Ballës, qeveria mirëpret çdo instrument që sjell zhvillim ekonomik dhe të ardhura në vend.
