Autoritetit Mbikqyrjes i Financiare deklaron se kompanitë arkëtuan 14 miliard lekë, paguan dëme 3.6 miliard
Viti 2015 mund të cilësohet si shumë i sukseshëm për tregun e sigurimeve. Rritja vjetore prej 21 për qind ka bërë që në arkat e kompanive të shkojnë mbi 100 milion euro. Ndërkohë që dëmet e paguara janë në vlerën 24 milion euro, nivel shumë i ulët krahasuar me tregjet rajonale.
Autoritetit Mbikqyrjes i Financiare deklaroi sot se tregu i sigurimeve në vitin 2015 ka pasur një biznes të sukseshëm. Sipas të dhënave të publiokuara nga ky institucion, të ardhurat nga primet e shkruara bruto të sigurimit për 2015 ishin mbi 14,086 milionë lekë, ose 21 për qind më shumë se një vit më parë.
Në 2015 janë lidhur nga të gjitha kompanitë që operojnë në treg më shumë se 1 milion kontratave sigurimi, ose 6 për qind më shumë. Ky tregues të lë të kuptosh se zgjerimi i tregut ka ardhur kryesisht për shkak të çmimeve të aplikuara. Sipas treguesve të AMF tregu mbetet i orientuar tek sigurimet e Jo-Jetës, që kanë mbi 92 për qind të biznesit total të sigurimeve, dhe ku pjesën më të madhe e zë sigurimi i automjeteve. Ndërkohë që ndarja mes sigurimeve të detyrueshme dhe vullnetare është në raportet 60 më 40 për qind.
Biznes më madh në këtë treg i takon sigurimit të automjeteve, ku në 2015 janë arkëtuar rreth 8,5 miliardë lekë dhe ku është shënuar rritja më e madhe vjetore prej 22.5 për qind në krahasim me vitin 2014.
