Ambasadori Grenell është njeriu, i cili po punon ngushtësisht me Serbinë dhe Hashim Thaccin për të arritur një marrëveshje, e cila deri tani mbahet e fshehtë.
Po kështu Richard Grenell është njeriu më i besuar i Donald Trump, përderisa në të njëjtën kohë është emëruar drejtor në detyrë i Inteligjencës Kombëtare.
Kariera e tij e vrullshme nuk është penguar aspak prej faktit që zoti Grenell është homoseksual i deklaruar, madje ai me të drejtë ka qenë i mërzitur, kur i kanë thënë se në Kosovë ka marrë komente negative në lidhje me orientimin e tij seksual. Ai ka thënë në një intervistë për emisionin “Pressing” në T7 se këto veprime duhet dënuar.
“Jam shumë krenar që jam homoseksual, kështu si jam lindur dhe unë nuk tërhiqem nga kjo dhe mendoj se çfarëdo ofendimi anti-homoseksual ose homofobik duhet të dënohet gjerësisht”, është shprehur Ambasadori Grenell.
Donald Trump është i pari konservator që shfaqet mendjehapur në lidhje me preferencat e bashkëpunëtorëve të tij të ngushtë. Kjo, ndoshta se vjen nga fusha e spektaklit.
