Kryetari i Prezencës së OSBE në Shqipëri, Bernd Borchardt tha se vëzhgimi i zgjedhjeve duhet të jetë i pavarur, i paanshëm dhe profesional.
Në fjalën e mbajtur gjatë konferencës me temë “Vëzhgimi i numërimit të votave nga vëzhguesit vendorë” ambasadori tha se OSBE-ja e mbështet fuqishëm pjesëmarrjen qytetare në proceset demokratike, siç është monitorimi i zgjedhjeve.
“OSBE-ja e mbështet fuqishëm pjesëmarrjen qytetare në proceset demokratike – vëzhgimi i zgjedhjeve është një prej shumë aspekteve të këtyre proceseve. Vëzhguesit zgjedhorë janë sytë dhe veshët e publikut në proceset zgjedhore, rojtarët e vërtetë që ndihmojnë në frenimin e mashtrimeve zgjedhore dhe në identifikimin e parregullsive të procesit dhe që me vlerësimin e tyre përfundimtar rezultojnë në fund të jenë zëri i qytetarëve. Por, për ta arritur këtë, vëzhgimi i zgjedhjeve duhet të jetë vërtet i pavarur, i paanshëm dhe profesional.”- u shpreh Borchardt.
Ambasadori Borchardt përgëzoi shoqërinë civile dhe organizatat joqevritare duke thënë se janë forca shtytëse për zgjedhje të lira dhe të ndershme. Ai u bëri thtirje dhe vëshguesve të tjetë vendorë që t’i bashkohen këtij procesi.
“Më lejoni të përgëzoj të gjitha organizatat e shoqërisë civile të pranishme këtu sot që janë investuar me përpjekjet e tyre për të rritur ndërgjegjësimin rreth parregullsive në zgjedhje dhe për t’i bërë institucionet që të japin llogari. Ju jeni forca shtytëse për zgjedhje të lira dhe të ndershme. Më erdhi mirë që mësova se OJQ-të i kanë akredituar tashmë vëzhguesit e tyre për zgjedhjet e 25 qershorit. Shpresoj që me ta të bashkohen edhe të tjerë vëzhgues vendorë në ditët në vijim.”- tha ambasadori.
