Ambasadori austriak në Tiranë, Johan Sattler, i bëri sot thirrje partive politike në Shqipëri të nisin dialogun për zgjidhjen e krizës politike. Gjatë një vizite në Shkodër, diplomati austriak tha se: “Shpresojmë që të gjitha partitë të marrin pjesë në procesin zgjedhor sepse kjo është e rëndësishme, është kusht i demokracisë”.
Një ditë më parë ambasadorja gjermane në Shqipëri, bëri të njëjtin apel për partitë politike dhe në mënyrë të veçantë thirrjen drejtuar opozitës të ndalë bojkotin e të hyjë në zgjedhjet e 18 qershorit.
