Ambasada Amerikane në Shqipëri ka intensifikuar komunikimin virtual në mënyrë që të qartësojë çdo dilemë që shqiptarët mund të kenë rreth dokumenteve të nevojshme për të vizituar SHBA apo për të jetuar atje.
Në një postim të publikuar sot, Ambasada sqaron të gjithë ata që u miratohet viza për të vizituar të fejuarin ose të fejurën amerikane.
Ambasada deklaron se ata duhet të martohen brenda 90 ditëve të mbërritjes në Shtetet e Bashkuara.
“Pas gjithë atyre këshillave të mrekullueshme që kemi marrë javën e kaluar, Kenny dhe unë kemi vendosur të udhëtojmë në Valbonë këtë javë. Ne shpresojmë që të marrim një ftesë për të provuar fli dhe dhallë. Përpara se të nisemi, ne duam t’ju japim disa këshilla të shpejta në lidhje me vizat e fejesës. A e dinit ju që ju duhet të jeni takuar me të fejuarin ose të fejuarën qytetare Amerikane përpara se ai ose ajo të dorëzojë një peticion për ju? Gjithashtu, nëse viza juaj miratohet, ju duhet të martoheni brenda 90 ditëve të mbërritjes në Shtetet e Bashkuara. Për më tepër informacion mbi vizat e fejesës vizitoni faqen tonë: https://go.usa.gov/xRT2a ose më dërgoni pyetjet tuaja”, shkruhet në postimin e ambasadës.
