Në një postim në profilin e rrjetit social Facebook, Ambsada Amerikane kërkon sugjerime se si mund të luftohet vapa në muajin gusht.
“Kenny dhe unë jemi të lumtur që tregu është mbushur me kaq shumë shalqinj këtë javë. Për të shmangur vapën, ne do e kalojmë të gjithë fundjavën duke ndenjur në hije dhe duke pirë lëng shalqiri.
Ju ftoj që këtë javë të postoni pyetjet tuaja mbi të gjitha kategoritë tona të vizave sepse, ndryshe nga shalqinjtë, këshilla ime është falas! Por edhe unë dua t’ju pyes për mendimin tuaj – çfarë më sugjeroni për t’u freskuar gjatë muajit gusht?
Ju lutem, ndani edhe me mua vendet në Shqipëri që ju pëlqen të vizitoni gjatë gushtit, ose pijen tuaj freskuese të preferuar”, shkruhet në postimin e Ambasadës së SHBA.
