Ambasada amerikane në Shqipëri ka paralajmëruar të gjithë qytetarët që kanë aplikuar për llotarinë amerikane se përzgjedhja është e rastësishme dhe se askush nuk mund të garantojë se do përzgjidheni në këtë program.
Me anë të një njoftimi në faqen e saj në facebook, ambasada bën apel për kujdes.
“A e dinit se përzgjedhja për Llotarinë Amerikane bëhet në Shtetet e Bashkuara dhe është krejtësisht e rastësishme? Kjo do të thotë se askush në Shqipëri nuk mund t’ju garantojë juve se do të përzgjidheni për këtë program. Kujdes nga mashtrimet! Aplikimi për Llotarinë Amerikane është pa pagesë”, shkruan Ambasada.
