Inspektorati Shtetëror i Mbikëqyrjes së Tregut, në kuadër të monitorimit të sigurisë konsumatore, u bën thirrje që të mos blejnë një pjatë porcelani që po qarkullon së fundmi për shkak të rrezikshmërisë së lartë.
“Konsumatorët që kanë blerë këtë produkt nuk duhet ta përdorin pasi është i rrezikshëm dhe ta kthejnë pranë pikës së shitjes ku e kanë blerë”,-njofton ISHMT, ne faqen e saj zyrtare.
Për përdorimin dhe blerjen e kësaj pjate është ngritur një alarm botëror. Shteti ynë fqinj, Greqia e ka bllokuar produktin me origjinë nga Kina, që u shit nga një firmë e njohur veshjesh dhe lodrash për fëmijë.
“Njoftimi i kategorisë “Alert”ndërkombëtar” është publikuar në portalin RASFF (Rapid alert system for food and feed) me numër notifikimi 398975, për produktin “Pjatë prej porcelani për përdorim të përditshëm”, i cili pas kontrollit laboratorik të kryer nga ana e autoriteteve të ushqimit , Qipro, ka rezultuar se paraqet nivel të migrimit të plumbit mbi kufirin e lejuar, duke paraqitur risk serioz me ndikim në shëndetin e njeriut.
Përshkrimi i produktit:
Emri i produktit: Pjatë prej porcelani për përdorim të përditshëm
Emri i produktit në etiketë: Plate for Daily use-Porcelain
Numri i artikullit: DFB-075
Numri i LOT: 16HKF7
Pamja e jashtme e produktit: 19 cm Ø
Kategoria e produktit: Material në kontakt me ushqimin
Barkodi: 0470095000030
Kujdes!
Arrestohet 37-vjeçari në Paskuqan, në momentin e ndalimit mbante maskë silikoni dhe… –
Policia e Tiranës ka parandaluar një ngjarje kriminale si dhe ka zbardhur dy ngjarje të tjera, të cilat dyshohet se...
