Një imam shqiptar do të dëbohet nesër nga shteti italian për lidhje të dyshuara me ISIS.
Mediat italiane bëjnë me dije se bëhet fjalë për shqiptarin me origjinë maqedonase, Zejnullah Sadiki.
Raportohet se imami i Grossetos do të dëbohet ditën e nesërme për në Maqedoni të veriut.
Emri i Sadikit nuk është i panjohur për mediat italiane. Në vitin 2015, në provincën e Grossetos u zbulua një celulë xhihadiste ku emri i imamit Sadiku u lakua së bashku me Maria Gulia Sergio, alias Fatima,e para grua xhihadiste në shtetin italian.
Për dëbimin nga shteti fqinj ka reaguar edhe imami me anë të një postimi në Facebook, ku i mohon akuzat dhe thotë se do të rikthehet sërish në Itali nëse do të ketë drejtësi.
Postimi i plotë i Zejnullah Sadikit:
Te nderuar vellezer dashamire esselamualejkum
Nga mengjesi i dites se Henë ora 06:00 me urdherin e ministrit te brendshem te Italis Mateo Salvinit jam i arrestuar nga forcat e rendit në shtepin tim, pa asnjë deshmi, me arsyen kinse unë jame person i rrezikshem per shtetin Italian duke theksuar keto fakte:
Se une jam nje imam gjithnjë radikal.
Se kam frekuentuar shume qendrat Islame.
Se po merrem me (logjistik) me organizim të jetes Islame.
Per shkakun se jam familjarizuar ketu ne Itali si nje imam me pervoj.
Nga dita e Hene ne mbremje po mbahem në qendren e emigranteve në Torino ku nuk meret vesh se cfar Po behet…
Per shkak te kushteve aktuale qe gjindem nuk mund te shkruaj me shumë.
ALLAHU UA PRANOFTË XHUMAN TË GJITHVE DHE BENI DUA PER MUA.
E di se sotë ne xhuma xhematit i kam munguar por ju them se nese akoma ka drejtesi dhe demokraci ne shtetin Italian do te kthehem perseri.
