Policia e Tiranës ka arrestuar 5 persona të cilët akuzohen për vepra të ndryshme kriminale.
Sipas uniformave blu mes të arrestuarve është dhe 59 vjeçare e cila ishte shpallur në kërkim pasi akuzohej për dhunë në familje.
Ndërsa të arrestuarit e tjerë akuzohen se drejtonin mjetin në gjendje të dehur.
Njoftimi i plotë:
Arrestohen në flagrancë 5 shtetas, njëri prej të cilëve ishte shpallur në kërkim.
Nga specialistët për Hetimin e Krimit në Komisariatin e Policisë Kavajë u bë arrestimi në flagrancë i shtetasit I. D., 26 vjeç, pasi nga kontrolli i ushtruar në mjetin e tij tip “BMË”, iu gjetën dhe iu sekuestruan në cilësinë e provës materiale 10.5 gramë lëndë e dyshuar narkotike kokainë.
Seksioni për Hetimin e Narkotikëve në DVP Tiranë bënë arrestimin në flagrancë të shtetasit E. P., 32 vjeç, pasi në rrugën “Riza Cuko”, gjatë kontrollit fizik iu gjet dhe iu sekuestrua në cilësinë e provës materiale një sasi lënde e dyshuar narkotike kokainë.
Në vijim të punës për kapjen e personave të shpallur në kërkim, specialistët për Hetimin e Krimit në Komisariatin e Policisë Kavajë bënë kapjen dhe ndalimin e shtetases L. K., 59 vjeçe, sepse Gjykata e Shkallës së Parë Kavajë e ka dënuar me 8 muaj burg, për veprën penale ”Dhuna në familje”.
Nga specialistët e Qarkullimit Rrugor u bë arrestimi në flagrancë i shtetasve:
- Gj., 49 vjeç dhe D. B., 42 vjeç, pasi u kapën në flagrancë duke drejtuar mjetet përkatëse në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme./abcnews.al
