Ka zgjatur pak orë arrestimi i deputetit të Kosovës Dardan Molliqaj, i cili është njëherësh dhe bashkëshorti i ministres së Arsimit në Shqipëri Besa Shahini.
Lajmin e ka konfirmuar për mediat në Prishtinë zëdhënësja e PSD-së, Natyra Kuçi.
“Rasti ishte dërguar në Prokurori. Deputeti Molliqaj tashmë është liruar me procedurë të rregullt. Rasti do të vazhdojë”, tha ajo.
Molliqaj u arrestua këtë mëngjes për pjesëmarrje në protestën për lirimin e deputetit Albin Kurti, në vitin 2015. Molliqaj akuzohet se ka dhunuar një zyrtar.
