Aktorja shqiptare Eliza Dushku i është shtuar listës së shqiptarëve që solidarizohen dhe japin kontribut për të prekurit nga tërmeti tragjik i 26 nëntorit.
Dokumentari që aktorja realizoi për Shqipërinë, në bashkëpunim me të vëllain, Nate Dushku, do të shfaqet në Universitetin e Harvardit, dhe biletat do të jenë falas.
Pas shfaqjes së “Dear Albania”, do të nisë mbledhja e fondeve për të gjithë ata që dëshirojnë të kontribuojnë dhe të ndajnë dhimbjen me popullin shqiptar.
“Shqiperia, te dua! Për të gjithë të prekurit nga ky tërmet shkatërrues, ju duam dhe lutemi për ju & po mbledhim ndihmë, menjëherë… qëndroni të fortë. Jemi me ty Shqipëri”, shkruan aktorja në Instagram.
