Raffaele Pisu është 91 vjeç. Dikur në vitet ’50 – ’60 ka qenë një aktor mjaft i njohur në Itali, veçanërisht në teatër, por edhe në televizion.
Gjithsesi tani me kalimin e viteve ai është tërhequr në jetën e tij private. Por, ja një ditë, në këtë moshë, dikush i bie derës së tij dhe i lë një shënim.
Sipas kësaj letre po i jepnin një kumt të mirë dhe ndoshta kishte dëshirë të përgjigjej. Ai ka thirrur menjëherë letërprurësin, i cili ishte Paolo, një zotëri 50 vjeçar, por në të njëjtën kohë djali i tij i panjohur. Ky djalë kishte ardhur në jetë pas një marrëdhënie gjysëmshekulli më parë të aktorit me nënën e Paolos, e cila kurrë nuk kishte dëshiruar ta bënte të ditur këtë marrëdhënie, madje as të birit që kishte ngulmuar të njihte babain biologjik.
Raffaele Pisu e ka mirëpritur në familjen e tij të birin që nuk e dinte se e kishte dhe thotë se të njëjtën gjë do të kishte bërë nëse do e kishin lajmëruar më parë.
