Kordoni i gjatë me policë nuk i lejon protestuesit të hyjnë në Parkun e Liqenit
Aktivistë të Shoqërisë Civile tentuan sot pasdite të hyjnë në brendësi të zonës në Parkun e Liqenit, për të ndalur punimet e kompanisë për projektin e këndit të lojërave. Përmes një kordoni policësh, aktivistët janë zbrapsur pa mundur të hyjnë në ambjentete ku ka nisur hedhja e betonit për ndërtimin e projektit të këndit të lojrave.
Aktivistët u bashkuan sot në protestë me pretendimin se Bashkia e Tiranës nuk po u qëndron deklaratave se nuk do të hidhet beton në parkun e Liqenit. Disa video të hedhura në rrjetet sociale dëshmojnë se në të vërtetë ka nisur hedhja e betonit në Parkun e Liqenit.
