Presidenti i Republikës Ilir Meta ka reaguar pas sulmeve në Policinë e Kosovës në veri të vendi.
Ai është shprehur se e dënon me ashpërsi sulmin e dhunshëm dhe me armë ndaj autoriteteve policore të Kosovës.
“Dënoj me ashpërsi sulmin e dhunshëm dhe me armë ndaj autoriteteve policore të Kosovës, në Zubin Potok.
Kam besim të plotë se institucionet ligjzbatuese të Republikës së Kosovës do t’i zbardhin shumë shpejt këto akte burracake dhe do të vënë para drejtësisë autorët”, shprehet Meta.
Po ashtu ai bënë thirrje për shmangien e çdo provokimi dhe përshkallëzimi të tensioneve, që minojnë sigurinë e Kosovës, paqen dhe stabilitetin në rajon.
