Ish-kryeministri Sali Berisha duket se ka vendosur të mos heqë dorë nga aksioni politik opozitar, pavarësisht hetimit të nisur nga SPAK dhe masës së sigurisë nga GJKKO në adresë të tij.
Sot në orën 12:00 është njoftuar mbledhja e Kryesisë së PD-së, ku thuhet se do të diskutohet për zhvillimet e fundit politike.
“Ditën e mërkurë ora 12.00 në ambientet e selisë së PD-së do të zhvillohet mbledhja e Kryesisë PD me rend dite: 1- Diskutime rreth zhvillimeve të fundit politike. 2-Të ndryshme …”, – thuhet në njoftim.
Ndërsa pas Kryesisë, Berisha pritet të mbledhë ditën e premte Këshillin Kombëtar me qëllim diskutimin për situatën politike në vend dhe hapat që do të ndërmerren në vijim.
“Të nderuar anëtarë të Këshillit Kombëtar, ditën e premte dt. 27 tetor, ora 18.00 në selinë e PD do të mblidhemi për të diskutuar situatën politike dhe hapat që do të ndërmarrim në vazhdim”, – thuhet më tej në njoftim.
Më herët Berisha paralajmëroi se po shqyrtohet edhe mundësia e rikthimit te protestat. Ai tha se gjithçka është mbi tryezë ndërsa “Rama dhe skapistët po bëjnë gjyqin e reformave të suksesshme të PD”.
“Asnjë gjë nuk është jashtë tavolinës. Të gjitha janë në tryezë. Ne, siç e shihni, kemi të bëjmë me një proces monstruoz politik”, – tha Berisha për gazetarët.
Ish-kryeministri Sali Berisha duket se ka vendosur të mos heqë dorë nga aksioni politik opozitar, pavarësisht hetimit të nisur nga SPAK dhe masës së sigurisë nga GJKKO në adresë të tij.
Sot në orën 12:00 është njoftuar mbledhja e Kryesisë së PD-së, ku thuhet se do të diskutohet për zhvillimet e fundit politike.
“Ditën e mërkurë ora 12.00 në ambientet e selisë së PD-së do të zhvillohet mbledhja e Kryesisë PD me rend dite: 1- Diskutime rreth zhvillimeve të fundit politike. 2-Të ndryshme …”, – thuhet në njoftim.
Ndërsa pas Kryesisë, Berisha pritet të mbledhë ditën e premte Këshillin Kombëtar me qëllim diskutimin për situatën politike në vend dhe hapat që do të ndërmerren në vijim.
“Të nderuar anëtarë të Këshillit Kombëtar, ditën e premte dt. 27 tetor, ora 18.00 në selinë e PD do të mblidhemi për të diskutuar situatën politike dhe hapat që do të ndërmarrim në vazhdim”, – thuhet më tej në njoftim.
Më herët Berisha paralajmëroi se po shqyrtohet edhe mundësia e rikthimit te protestat. Ai tha se gjithçka është mbi tryezë ndërsa “Rama dhe skapistët po bëjnë gjyqin e reformave të suksesshme të PD”.
“Asnjë gjë nuk është jashtë tavolinës. Të gjitha janë në tryezë. Ne, siç e shihni, kemi të bëjmë me një proces monstruoz politik”, – tha Berisha për gazetarët.
