Kryeministri Edi Rama ishte sot në Orikumi, i cili është një nga 14 pikat ku në kuadrin e zbatimit të Planit Kombëtar të Veprimit, për pastrimin e bregdetit.
Rama ka paralajmëruar se do të nisin gjobat për çdo rast të abuzimit me mbetjet.
“Do hyjmë me penalizimet, se edhe njerëzit e kërkojnë këtë gjë. Që kush ndot do penalizohet. Penalizimi kryesor duhet të vijë nga ndotësit kryesore, që janë subjektet private, hotelet, restorantet, fabrikat. Të gjithë ata që ushtrojnë aktivitete që prodhojnë më shumë mbeturina. Ata që janë aktivë gjatë sezonit të verës do ketë gjoba shumë të larta, por edhe për individët duhet të ketë gjoba të larta. Duhet të kemi një nivel tjetër zbatimi,” u shpreh kryeministri.
