Kompania arkëtoi detyrimet e prapambetura për vitet 2007-2014
Operatori i Shpërndarjes së Energjisë ka arkëtuar gjatë vitit të kaluar 12,2 miliardë lekë në formën e detyrimeve të prapambetura të energjisë, shumë kjo ekuivalente me 98 milionë dollarë. Shifra është publikuar nga Enti Rregullator i Energjisë në një raport të posaçëm për Kuvendin. Sipas të dhënave të Entit Rregullator në total OSSHE ka arkëtuar gjatë vitit që shkoi 60.7 miliardë lekë nga të cilat 48.4 miliardë lekë kanë qenë nga faturat e koherente të vitit 2015 dhe pjesa tjetër mbi 12.2 miliardë lekë detyrimet e prapambetura, të cilat zunë 19 për qind të arkëtimeve të OSSHE për vitin në fjalë.
Ne total numri i klientëve te furnizuar nga shoqëria “OSHEE” sh.a është rreth 1.2 milionë, nga të cilët rreth 1.04 milion janë familjarë, 153 mijë privat dhe 11 mijë bëjnë pjesë në kategoritë buxhetore dhe jobuxhetore.
