Prokuroria e Tiranës ka përfunduar hetimet dhe ka dërguar në gjyq Ajas Sulejmanin i cili disa muaj më parë aksidentoi tek vijat e bardha çiftin Konomi bashkë me foshnjën e tyre 3-muajshe te “Delijorgji”.
Ndaj ti prokuroria ka ngritur tre akuza. Ai akuzohet për shkelje të qarkullimit rrugor bazuar në nenin 290/4. Kur nga vepra penale është shkaktuar vdekja ose plagosja e rëndë e disa personave, dënohet me burgim nga 5 deri në 20 vjet. Drejtimi i automjeteve apo mjeteve të tjera të motorizuara në gjendje te dehur, nën efektin e lëndëve narkotike apo pa dëshminë përkatëse të aftësisë dënohet me burgim nga dhjetë ditë deri në tre vjet.
Neni 293 si dhe akuzën e largimi nga vendi i aksidentit, drejtuesit të automjetit apo të çdo mjeti të motorizuar, për t’u shmangur nga përgjegjësia penale, civile apo administrative, përbën kundërvajtje penale dhe dënohet me gjobë ose me burgim gjer në një vit, parashikuar nga neni 273. Aktualisht Sulejmani ndodhet në masën e sigurisë “arrest shtëpie”.
