Një grua 70-vjeçare ka mbetur e vdekur, dhe tre të tjerë janë lënduar si pasojë e një aksidenti trafiku në aksin rrugor Prevallë-Shtërpcë. Policia e Kosovës ka njoftuar se rasti ka ndodhur rreth orës 18:00, ndërsa automjeti ishte me targa të Maqedonisë së Veriut.
“Deri te aksidenti i komunikacionit dyshohet të ketë ardhur, kur automjeti i udhëtarëve Touran po qarkullonte nga Prevalla në drejtim të Shtërpcës dhe me të arritur në një kthesë, tek vendi i quajtur ‘’Kthesa e Kites’’ në afërsi të shtëpizës së rojeve të pyejeve, për shkaqe ende të panjohura, shoferi humb kontrollin mbi automjetin dhe automjeti kalon në anën djathtë të drejtimit të lëvizjes dhe bie 27 metra poshtë rrugës dhe me këtë rast, veç dëmeve të shkatuara materiale në automjet, një person me inicialet K.J (F/MV) e moshës, rreth 70 vjeçare humb jetën, vdekja e saj është konfirmuar nga mjekët kujdestar në Shtërpcë, ndërsa 3 persona tjerë, pasagjerë kanë pësuar lëndime trupore, të cilët pasi marrin ndihmën e parë mjekësore në Qendrën Emergjente në Shtërpcë, për tretman të mëtutjeshëm mjekësor, me autoambulancë dërgohen në Qendrën Emergjente në Ferizaj”, thuhet në njoftim.
Lexo edhe: Ç’po ndodh në Kosovë? Njësia Speciale niset për Mitrovicë
Personat e lënduar janë:
M.J ( M/MV) 46 vjeçar – drejtues i automjetit
H.S ( F/MV ) e moshës 65 vjeçare,
A.S ( M/MV) 27 vjeçar,
E.J ( M/MV) 11 vjeçar nuk është raportuar se ka lëndime.
Njësia Rajonale e Komunikacionit Rrugor në Ferizaj, në koordinim edhe me Prokurorin nga Prokuroria Themelore në Ferizaj, kanë marrë të gjitha masat e nevojshme për hetimin e rastit.
