Aktori i njohur i teatrit, Lulzim Zeqja është përfshirë në një aksident automobilistik.
Lajmin e bën me dije Teatri Kombëtar, teksa njofton për shtyrjen e shfaqjes “Edmond” që prej disa ditësh kishte sukses të madh.
Për fat të mirë, protagonisti i shfaqjes, Zeqja është jashtë rrezikut për jetën, por e ka të pamundur të vijojë performancën në shfaqje.
Njoftimi i Teatrit Kombëtar:
Të dashur miq të teatrit,
Për shkak të një aksident automobilistik, i cili ka përfshirë aktorin e teatrit kombëtar z.Lulzim Zeqja njëkohësisht dhe protagonistin e shfaqjes “Edmond”, ju njoftojmë se shfaqjet e ditës së sotme dhe datave 23-24-28-29-30-31 tetor 2021, janë anulluar.
Fatmirësisht, z. Zeqja është në gjendje të mirë shëndetësore, por e ka të pamundur të performojë në shfaqjen “Edmond” në vazhdim.
Duke ju kërkuar ndjesë e duke ju falenderuar për mirëkuptimin, Teatri Kombëtar do t’ju njoftojë në vazhdim se si do të proçedohet me rimbursimin e biletave.
