Një aksident automobilistik ka ndodhur orët e para të mëngjesit të sotëm në aksin rrugor “Shkodër-Tiranë”, në fshatin Beltojë. Mësohet se një 61-vjeçar me iniciale L.V, duke lëvizur me motocikletë ka humbur kontrollin mbi drejtimin e mjetit dhe është rrëzuar. Si pasojë e plagëve të marra, ai është dërguar në Spitalin Rajonal të Shkodrës, ku po merr ndihmën e nevojshme mjekësore.
Njoftimi zyrtar i policisë
Shkodër/Informacion paraprak
Rreth orës 06:45, në aksin rrugor “Shkodër-Tiranë”, në fshatin Beltojë, shtetasi L. V., 61 vjeç, duke lëvizur me motoçikletë, ka humbur kontrollin mbi drejtimin e mjetit dhe është rrëzuar. Si pasojë e dëmtimeve të marra, 61-vjeçari është dërguar në Spitalin Rajonal Shkodër, ku dhe po merr asistencën mjekësore.
Grupi hetimor po vijon punën për sqarimin e rrethanave të aksidentit.
