Një aksident tragjik i ka marrë jetën një nëne dhe katër fëmijëve të saj në Brisbane të Australisë.
Mësohet se përplasja e automjetit ka ndodhur kur nëna 37 vjeçare tentoi të parakalonte një kamion në një rrugë periferike, por u përplas me një tjetër kamion që vinte në drejtimin e kundërt.
Charmaine Harris McLeod, 37-vjeçe, udhëtonte bashkë me dy vajzat Ally, 6-vjeçe, Matilda, 5 vjeçe dhe djemtë Wyatt, 4 vjeç dhe Zaidok, 2 vjeç, kur u përfshinë në një aksidentin me pasoja tragjike.
Të dyja automjetet shpërthyen në flakë dhe drejtuesi i kamionit doli nga mjeti duke u hedhur nga dritarja.
Ai më pas ka tentuar të ndihmojë familjarët të dalin nga makina, por nuk ka arritur. 47 vjeçari u dërgua në spital me djegie në duar dhe çarje në kokë, dëmtime që i ka marrë në tentativë për të ndihmuar familjen.
Punonjësit e Emergjencës thanë se ndihen të traumatizuar nga skena e aksidentit, duke e përshkruar pamjen si katastrofike.
