Çmimi i Madh i Belgjikës këtë të dielë nisi me një aksident mes dy pilotëve karizmatik të Formula 1, Fernando Alonso-s dhe Luis Hamilton.
Një incident për të cilin nuk pati penalizime nga komisarët e garës për autorët pavarësisht se Hamilton u kritikua jo pak për mënyrën se si pilotoi.
Për të gjithë situatën në fund të garës reagoi ashpër Fernando Alonso, spanjolli i cili nuk u kursye ndaj britanikut, duke deklaruar: “Çfarë idioti! Ky djalë nuk e di se çfarë bën. Di të garojë vetëm kur niset i pari.”
