Zbardhen detaje nga aksidenti i rëndë i shënuar mbrëmjen e djeshme në autostradën Levan-Tepelenë, në vendin e quajtur Malas, ku mbetën të plagosur 8 persona.
Të dhënat nga Spitali Rajonal Fier dhe të afërm të të aksidentuarve, bëjnë me dije se në aksident kanë mbetur të plagosur 8 persona: nga këta 6 të rritur dhe 2 fëmijë: 2 janë dërguar ne Tirane në gjendje të rëndë, një prej është shtetase italiane.
Për momentin, 1 person është në reanimacin, shtetas italian, dhe 1 tjetër ne observacion.
Nuk dihen ende shkaqet e këtij aksidenti, por nga të dhënat paraprake raportohet se mund të jetë bërë lagështia si pasojë e reshjeve të dendura të shiut.
Nuk përjashtohet as mundësia që shoferët e mjeteve të kenë shkelur sinjalistikat rrugore apo të kenë kryer parakalim të gabuar.
Ky aks rrugor vijon të jetë burim aksidentesh.
Grupi hetimor po punon për zbardhjen e shkaqeve të aksidentit.
